Elgoibar, bereziki, herri industrial bat da, eta bere jarduera nagusia Makina Erremintaren fabrikazioa da. Honetaz gain, armen eta eskopeten eskuzko fabrikazioko industriek ere bizirik diraute, inguru honetako armagintza tradizionalaren jarraipen gisa.

Makina-erreminta Museoaz gain, herriak baditu beste bi museo bitxi ere. MUFOMI, mineralen eta fosilen museoa, eta Hezur Museoa, historiaurreko tresnen erreplikak dituena.

Bestalde, Elgoibarko herria, ibilaldi interesgarriak emateko aukera eskaintzen duen mendi eder ugariz inguraturik dago. Karakate eta Irukutzeta mendien arten, adibidez, Aita Barandiaren-ek izendaturiko Dolmenen Ibilbidea dago. Ibilbide honetan aztarnategi garrantzitsuak daude; trikuharri eta tumuiluak nabarmentzen dira.

Herriko puntu garrantzitsueneteko bat udaletxeak eta San Bartolome elizak osatzen duten multzo barroko bikaina da. Multzo horren osagarri dira antzinako etxe arkupedunak eta ibairako espazioa ixten duen frontoia.

Olasoko hilerriko arkupea ere oso ederra da, garrantzi historiko eta artistikokoa, eta San Bartolome eliza zaharraren aztarna bakarra da.