Soraluze gure ingurugiroko mendi bereziez dago inguraturik, non baserri eta baseliza ugarien barna doazen ibilbide ederrez gozatu daitekeen. Guztiz gomendagarria, noski, natura maite dutenentzat.

Dolmenen ibilbidea, kostaz gozatzeko talaia zoragarria
Dolmenen Ibilbideak 20 kilometroko luzeera du, eta Elgoibartik eta Soraluzetik igarotzen da. Ezbairik gabe, talaia zoragarria da dolmen eta tumuluen artean Kantauriko kostaldea ikusteko. PR-GI 94 da ibilbide honen izen ofiziala, eta Karakate-Agirreburu mendikateek osatzen dute, Elgoibar, Sorazule eta Bergarako udalerriak lotuz.

Mendi-bide honek benetan ederrak diren inguruak zeharkatzen ditu, balio kultural handikoak. Aita Barandiaranek Dolmenen Ibilbidea izena jarri zion, eta aintzinatik Deba eta Urola ibaien bailaren arteko pasabidea izan den lurralde honetara ekartzen gaitu.

Han gure arbasoen ondarea aurki daiteke, Plazentzia-Elosua estazio megalitikoa osatzen duten trikuharri eta tumuluak, Karakate, Irukurutzeta eta Agirreburuk osatzen duten kordalean zehar sakabanatuta. Ibilbidean zehar ikuspegi paregabea aurkituko dugu, itsasorantz eta inguruko bailaretarantz.

Hiribarnean, oso interesgarriak suertatu daitezkeen ondare arkitektoniko ugari daude, adibidez: Santa Maria la Real izeneko eliza, errenzimendu eta barroko garaiko elizpe paregabearekin

Soraluze (gaztelaniaz Placencia de las Armas) izan zen su-armen serie-fabrikazioa egin zen Gaztelako Koroiko lehen tokia. Horrela, 1573an Felipe II. erregeak “Real Fábrica de Armas de Placencia” sortu zuen, 1865an itxi zen arte etengabe eboluzionatuz joan zena. Horren ondorengo izan zen “Euskalduna” fusil-fabrika, XX. mende hasieran jabez aldatu zena, 1935ean “Sociedad Anónima Placencia de las Armas” bihurtzeko.