Ermua, herri dinamikoa oso, bere gazteria eta giroagatik nabarmentzen da. Gainera, bere zentro kulturaletan geroz eta ekintza eta jarduera gehiago daude, adibidez: marrazketa, argazkilaritza, pintura, musika, antzerkia, folklore ospakizunak, etab. Gainera, kirolean ere mugimendu handia dago: mendizaletasuna, esku-pilota, pala, boloak, etab. Eta zer esan gastronomiari buruz? Urtero herrian sukaldaritzarekin lotutako hainbat ekitaldi antolatzen dira, esaterako Gastronomia Jardunaldiak edo herriko establezimenduen artean egiten den Kazuelita Lehiaketa.

Negozio hiria
Ermuak badu lehen mailako azpiegitura edozein motatako MICE– edo negozio-ekitaldiak hartzeko: Izarra Centre. Eraikin berezia da, eta espazio egokiak ditu sektore askotako kongresu, jardunaldi eta mintegiak antolatzeko.

Eraikin historikoak
Ermuan bi jauregi nabarmentzen dira: Valdespinako jauregia eta Lobianokoa. Bi jauregi hauek harro sentitzeko arrazoiak ematen dizkiete herritarrei, izan ere, lehengoak barroko garaiko aurrekalde paregabea baitu. Bigarrenaren kasuan, berriz,  edertasuna errenazimendu garaiko ezaugarrietan oinarritzen da.