Deba Euskal Kostaldeko Geoparkearen zati da. Kostaldean, altxor natural berezi batez goza dezakegu, flyscharen azaleratze harrigarriaz. Barrualdean, haran karstikoak aurkituko ditugu, kareharriaren higadurak eragindako paisaia harrigarriak. Lasturko bailara ere ezinbesteko bisita da.

Hirigune historikoaren bihotzean Debako Andre Maria Eliza, monumentu nazionala eta euskal gotikoaren harribitxia dago. Bere multzo bikainetik, klaustroa eta konposaketa delikatuko arkupe polikromatua nabarmentzen dira; bi elementuak lehen eraikuntzakoak dira eta XV. mendean datatuak daude.

Deba ibaiaren estuarioaren eskuinaldean kokaturik dagoen herri honetan hondartza eder aurki daiteke: Debako Santiago hondartza. Hare beltza duen hondartzak da, inguruko mendiak arbelazkoak direlako. Geoparkearen barruan dagoen Sakonetako hondartzak ere aipamen berezia merezi du, GR 121 Flyscharen Ibilbidea bertatik igarotzen da.

Debako Santiago hondartza Euskal Kostaldeko entzutetsuenetarikoen artean dago, eta surflari asko erakartzen ditu, gure mugetatik haratagotik datozenak ere. Egokiak da surf-a praktikatzeko, baina, baita beste hainbat kirol egiteko ere, esaterako, body board eta paddle surf. Udazkenean eta neguan, Sorginetxeko eremuan, Euskal Kostaldeko olatu handienetarikoa sortu ohi da.

Euskal Historiaurreko gune berezia
Ezin dugu ahaztu Deba Euskal Historiaurreko gune berezia dela: Ermittia, Praileaitzm Urtiaga eta Gazteluko aztarnategiekin. Hala ere, gure bitxirik preziatuena, Ekain kobazuloa da, labar arteari dagokionez munduan dauden bost haitzulo garrantzitsuenetarikoa.