Mutriku arrantza herria da, antzinako garaietan balearen ehizan ere aritu zena. Mutrikuko Hirigune Historikoa, Monumentu Multzo izendatua, Gipuzkoa osoan eta Euskal Herrian hobekien kontserbatutako Erdi Aroko hiribilduetako bat da. Arrantza-portura iritsi arte elkar lotzen diren galtzada-harrizko kale estuez osatuta, interes arkitektoniko handiko jauregiak aurki daitezke.

Gaztañeta eta Txurruka itsasgizon ospetsuen sorlekua da Mutriku. Mundu mailan, ontzigintzari egindako ekarpenengatik eta Trafalgarreko batailan izandako jarduera heroikoagatik aintzatetsi dituzte, hurrenez hurren.

Mutriku Euskal Kostaldeko Geoparkearen zati da, flyscharen kostaldean ikusgarriak eta interes bereziko haran karstiko ugari dituena (Astigarribia, Olatz…), eta hori guztia interpretatu eta ezagutzeko Nautilus Museoa, geologia-interpretazioa zentroa, dago bertan. Halaber, euskal kostaldean argazki gehien dituen guneetako bat da, hondartza eta igerileku naturalekin, eta surfa eta uretako beste kirol batzuk praktikatzeko lekua.

Aipatzekoa da ere Mutrikun ezarri den kontserba-industria garrantzitsua; kalitate handiko produktuak dira hegaluzea, antxoak, atuna edo kabiarraren ordezkoa.

Mutrikn hotel, landetxe eta kanpin ugari topa daitezke. Era berean, gastronomiak leku garrantzitsua du herrian, Euskal Herriko gainerako herrietan bezala: kalitatezko jatetxeak eta erretegiak ditu.