MUTRIKU: benetazko itsas-zaporea

Mutriku arrantza herria da, antzinako garaietan balearen ehizan ere aritu zena. Mutrikuko Hirigune Historikoa, Monumentu Multzo izendatua, Gipuzkoa osoan eta Euskal Herrian hobekien kontserbatutako Erdi Aroko hiribilduetako bat da. Arrantza-portura iritsi arte elkar lotzen diren galtzada-harrizko kale estuez osatuta, interes arkitektoniko handiko jauregiak aurki daitezke.

Gaztañeta eta Txurruka itsasgizon ospetsuen sorlekua da Mutriku. Mundu mailan, ontzigintzari egindako ekarpenengatik eta Trafalgarreko batailan izandako jarduera heroikoagatik aintzatetsi dituzte, hurrenez hurren.

Mutriku Euskal Kostaldeko Geoparkearen zati da, flyscharen kostaldean ikusgarriak eta interes bereziko haran karstiko ugari dituena (Astigarribia, Olatz...). Euskal kostaldean argazki gehien dituen guneetako bat da, hondartza eta itsaslabar ugarirekin, eta surfa eta uretako beste kirol batzuk praktikatzeko lekua.

Mutrikuk Nautilus Museoa du, ez galtzeko interpretazio geologikoko zentroa.

Aipatzekoa da, baita ere, Mutrikun ezarri den kontserba-industria garrantzitsua; kalitate handiko produktuak dira hegaluzea, antxoak, atuna edo kabiarraren ordezkoa.

Mutrikuk hotelak, landetxeak eta kanpinak eskaintzen ditu. Era berean, gastronomiak leku garrantzitsua du Mutrikun, Euskal Herriko gainerako herrialdeetan bezala: kalitatezko jatetxeak eta erretegiak ditu.

Planoa deskargatzeko, udalerriko turismo informazio guztiarekin, klikatu hemen.